ကရူထွန်ဘူရီ နှင့် ခလွန်စင်းနယ်မြေအကြား မိနစ်ပိုင်းအတွင်း ချိတ်ဆက်ရောက်ရှိစေသည့် ၂၀၂၀ ခုနှစ် နှောင်းပိုင်း၌ စတင်ပြေးဆွဲသော ဘီတီအက်စ်ရွှေရောင်အမြန်ရထားလိုင်းသည် ပထမနှစ်အတွင်းမှာပင် ဤရထားလိုင်းဖြတ်သန်းရာဒေသ၏ မြေဈေးကို ၃၅% အထိ မြင့်တက်စေခဲ့ပြီး ဖြစ်ပါသည်။ အနာဂတ်တွင် ထပ်မံ ဆောက်လုပ်သွားမည့် တိုးချဲ့ ရွှေရောင်အမြန်ရထားလိုင်းနှင့် (တုန်ပွန်–ရတ်ဘူရန) တောင်ဘက် ခရမ်းရောင်ရထားလိုင်းတို့သည် နယ်မြေအနောက်ဘက်ခြမ်းကို ဘန်ကောက်၏ စီးပွားရေးအချက်အချာကျသော (စားထွန်–စီးလွန်) နယ်မြေတို့နှင့် ပိုမို၍ ချိတ်ဆက်ပေးလာနိုင်မည် ဖြစ်သလို၊ ကားလမ်း၊ ရထားလမ်းနှင့် မြစ်ကြောင်း သွားလာမှုစနစ်များ ပေါင်းစပ်မိမှုဖြင့် မြေတန်ဖိုးကို ရေရှည် ဆက်လက်မြင့်တက်နေစေပါမည်။ https://static.wixstatic.com/media/659b8b_96e2964c33804ab8bf4630f838e411e2~mv2.jpg

၂၀၁၈ ခုနှစ်တွင် ဖွင့်လှစ်ခဲ့သော (ဘတ် ၅၄ ဘီလီယံ ရင်းနှီးမြှုပ်နှံမှုတန်ဖိုးရှိ) အိုင်ကွန်စယမ်းသည် ဤနယ်မြေဧရိယာတဝိုက်ကို ကမ္ဘာ့အဆင့်မီ မြစ်ကမ်းနားနေရာ အဖြစ် အသွင်ပြောင်းလဲသွားစေခဲ့ပြီး၊ မန်ဒရင်အိုရီယင်တယ်ရက်စီးဒင့်စ်၊ မဂ္ဂနိုလီယာဝါးတားဖရန့်ရက်စီးဒင့်စ်နှင့် ဖိုးစီစင်ပရိုက်ဗိတ်ရက်စီးဒင့်စ်  စသည့် အိမ်ယာစီမံကိန်းများနှင့်အတူ အဆင့်မြင့်ဇိမ်ခံ လူနေရပ်ကွက်အဖြစ် အားကောင်းစွာ ထိုးတက်လာသည် နှင့်အညီ မြစ်ကမ်းအနီးအနား မြေဈေးနှုန်းများသည် (အကျယ်လေးစတုရန်းမီတာ နှင့်ညီမျှသည့်) တစ်စတုရန်းဝါလျှင် ဘတ် ၁ သန်းကျော်အထိ ထိုးတက်သွားစေပါသည်။ ထို့အပြင် ထပ်မံ ဆောက်လုပ်ရန် ရှိသည့် အိုင်စီအက်စ် ကွန်မြူနတီ ရှော့ပင်းမောလ်နှင့် ကြယ်ငါးပွင့်ဟိုတယ်များ စသည့် အသစ်အသစ်သော စီမံကိန်းများကို ဆွဲဆောင်နေလျက်ရှိကာ ကျရန်နခွန်နယ်မြေကို ဘန်ကောက်၏ ပရီမီယံ မြစ်ကမ်းနားမြို့နယ် အဖြစ် အားကောင်းခိုင်မာစွာ ရပ်တည်နေစေပါသည်။ https://static.wixstatic.com/media/659b8b_a854ec980ee4467da7b8d4eeae62581a~mv2.jpg

ရှားပါးအကန့်အသတ်ရှိသည့် မြစ်ကမ်းနဖူးဘေးမြေနေရာဖြစ်မှုကြောင့် ဤမြို့နယ်သည် ထိုင်းနှင့် နိုင်ငံတကာ ရင်းနှီးမြှုပ်နှံသူများ (အထူးသဖြင့် ရေရှည်ပိုင်ဆိုင်မှုအရင်းအနှီးမျိုး ရှာဖွေနေသော တရုတ်ဝယ်လက်များ) ၏ စိတ်ဝင်စားမှုကို ရရှိထားပါသည်။ ဝယ်လိုအား များပြားသော်လည်း ရောင်းလိုအား နည်းပါးနေခြင်းကြောင့် တန်ဖိုးကြီးမြေကွက် အဖြစ် ဈေးနှုန်းမြင့်တက်လာနိုင်မည့် မျှော်မှန်းချက်များ အားကောင်းလျက် ရှိနေပါသည်။

ဤဧရိယာတွင်းရှိ ကွန်ဒိုခန်းအငှားပြန်ချမှုမှ ရရှိနိုင်သည့် ရင်းနှီးမြှုပ်နှံမှုအကျိုးအမြတ်နှုန်းထားသည် တစ်နှစ်လျှင် ပျမ်းမျှ ၄-၅% အထိနှင့် အလယ်အလတ်နှင့်အဆင့်မြင့်ကွန်ဒို အတန်းအစားမျိုး ဖြစ်ပါက ၆% အထိပင် ပြန်လည် ရရှိနိုင်ပါသည်။ အဓိကငှားရမ်းသူများမှာ တိတ်ဆိတ်ငြိမ်သက်မှု၊ မြို့လယ်ခေါင်အနီးအနားဖြစ်မှုနှင့် မြစ်ကမ်းနဖူး ရှုခင်းများကို တန်ဖိုးထားသည့် စားထွန်-စီးလွမ်ဧရိယာတဝိုက် လာရောက်၍ ရုံးခန်းဖွင့် ရင်းနှီးမြှုပ်နှံ လုပ်ကိုင်နေကြသော နိုင်ငံခြားသားများနှင့် ကုမ္ပဏီအဖွဲ့အစည်း အရာရှိကြီးများ ဖြစ်ကြသည်။ ဤ‌ဒေသတွင်း အိမ်ယာစီမံကိန်းများ၌ လက်ရှိ လူဝင်ရောက်နေထိုင်မှုနှုန်းထားသည် ၇၅-၈၀% ဝန်းကျင်အထိ ရှိနေပြီး၊ ကိုဗစ်ကပ်ရောဂါအလွန် လာမည့် နှစ်ကာလများတလျှောက်  ရေရှည်နေထိုင်သူများအား ဆွဲဆောင်မည့် အသစ်အသစ်သော စီမံကိန်းပေါင်းစုံတို့ဖြင့် ကွန်ဒိုအခန်း ငှားရမ်းဝယ်လိုအားမှာ တစ်ဖန် တိုးတက် ကောင်းမွန်လာမည်ဟု မျှော်လင့်ရပါသည်။

၂၀၀၉ ခုနှစ်က (လေးစတုရန်းမီတာအကျယ်နှင့်ညီမျှသော) တစ်စတုရန်းဝါလျှင် ဘတ် ၁၀၀,၀၀၀-၂၀၀,၀၀၀ အထိသာ ရှိခဲ့သည့် မြေဈေးနှုန်းသည် ယနေ့အခါ၌ ဘတ် ၁ သန်းဝန်းကျင်သို့ ထိုးတက်လာခဲ့ပြီ ဖြစ်ပြီး၊ နောင်ငါးနှစ်တာအတွင်း တစ်နှစ်လျှင် ၅-၁၀% ခန့် နှုန်းထားဖြင့် ဆက်၍ တိုးတက်လာအုံးမည်ဟု မှန်းဆ ခံထားရပါသည်။ ဈေးကွက်အပေါ် ယုံကြည်မှုမြင့်မားနေသည့် အိမ်ယာမြေစီမံကိန်းဖော်ဆောင်သူတို့၏ အခြေခံအဆောက်အအုံများ ဆက်လက် အဆင့်မြှင့်တင်နေမှုများနှင့် မြေလွတ်မြေလပ်ရှားပါးလာမှုကြောင့် ကျန်ရှိနေသည့် ပင်မမြေကွက်များအား လက်ရှိစံသတ်မှတ်ချက်ဘောင်ထက် ပိုလွန်သည့် တန်ဖိုးတွန်းတင်ခံရမှု အခြေအနေနှင့်အပြိုင် ကျရန်နခွန်သည် ဘန်ကောက်မြို့လယ်ဗဟိုချက်ဧရိယာပြင်ပတဝိုက် တန်ဖိုးအရှိဆုံးသော ဇုန်တစ်ခု ဖြစ်လာဖွယ် ရှိနေပါသည်။

ကျရန်နခွန်သည် အားကောင်းခိုင်မာသော အခြေခံအဆောက်အအုံ၊ သားနားသည့်  လူနေမှုအဆင့်အတန်း၊ သွားလာရေးလွယ်ကူမှုနှင့် ရေရှည်တည်တံ့သော ရင်းနှီးမြှုပ်နှံမှု အလားအလာများကို ပိုင်ဆိုင်ထားသော မြို့နယ်တစ်ခု ဖြစ်သည်။ အထူးသဖြင့် ကရူထွန်ဘူရီဘီတီအက်စ်အမြန်ရထားလိုင်း တစ်လျှောက်ရှိ ဖလက်ဆီ စားထွန်-ကျရန်နခွန် ကဲ့သို့သော အိမ်ယာစီမံကိန်းများသည် အဆင်ပြေ လွယ်ကူမှုရှိလူနေမှုလိုက်ဖ်စတိုင်လ်၊ ငှားရမ်းခအကျိုးအမြတ်အလားအလာနှင့် ရေရှည်တန်ဖိုးမြင့်တက်လာနိုင်မှု တို့ကြောင့် ဝင်ရောက်နေထိုင်သူများ အတွက်ရော ဝယ်ယူရင်းနှီးမြှုပ်နှံသူများအတွက်ပါ အထူးသင့်လျော်သည့် ဘန်ကောက်မြို့ပြဧရိယာတဝိုက် ဆွဲဆောင်နိုင်မှုအရှိဆုံး ရင်းနှီးမြှုပ်နှံမှု နေရာတစ်ခု ဖြစ်ပါသည်။